Шабуыл 2021 жылы, яғни Илон Маск компанияның иесі болғанға дейін жасалуы мүмкін екені айтылды.
ERNUR.KZ. 200 миллионнан астам Twitter қолданушысының электрондық пошта мекенжайы ұрланып, хакерлердің онлайн форумында сатылымға шығарылған, деп жазады Ulysmedia.kz.
"Деректердің тарап кетуі көптеген бұзуларға және мақсатты фишингке әкелуі мүмкін", - деді Израильдің Hudson Rock киберқауіпсіздікті бақылау фирмасының негізін қалаушы Алон Гал.Ол бұл шабуылды әлеуметтік желілер тарихындағы ең үлкен жылыстау деп атады.
Шабуыл 2021 жылы, яғни Илон Маск компанияның иесі болғанға дейін жасалуы мүмкін екені айтылды. Бірақ ұрланған мәліметтер базасы енді ғана сатылымға шығарылды.
Twitter деректерінің ұрлануы Атлант мұхитының екі жағындағы реттеушілердің назарын аударуы мүмкін. Twitter-дің еуропалық штаб-пәтері орналасқан Ирландиядағы деректерді қорғау комиссиясы және АҚШ-тың Федералды сауда комиссиясы Илон Маскқа тиесілі компанияның еуропалық деректерді қорғау ережелерін және сәйкесінше АҚШ-тың келісім туралы бұйрығын сақтауын қадағалайды.
