СС256 және CC258 топ вирустары АҚШ-та байқалса, СС70 және CC225 тобы инфекция қоздырушылары Еуропада, ал CC300 коронавирус тобы Оңтүстік Америкада таралуда екен.
ERNUR.KZ. АҚШ-тың Пенсильвания университетінің ғалымдары әлемде коронавирустың алты түрі таралғанын анықтады, деп жазады Stan.kz.
Эпидемиологтар COVID-19-тың әлемнің түкпір-түкпірінен жиналған 10,4 мың сынамасын сарапқа салыпты.
"Жаңа тәсіл бойынша біз геномы бір-біріне ұқсас вирустарды өшіріп, тек әртүрлі инфекция тудырушыларды жинадық", - дейді зерттеушілер.
Осылайша сарапшылар әлемде таралып жатқан коронавирустың әртүрлі екенін анықтапты.
Ғалымдардың пікірінше, СС256 және CC258 топ вирустары АҚШ-та байқалса, СС70 және CC225 тобы инфекция қоздырушылары Еуропада, ал CC300 коронавирус тобы Оңтүстік Америкада таралуда екен.
Мамандар бұл зерттеудің коронавирустың алуандығына орай вакцина жасап шығаруға көмектеседі деген ниетте.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
