Бір тәулікте індетке шалдығушылар саны 308 мыңға артты.
ERNUR.KZ. Дүниежүзілік денсаулық сақтау ұйымы өткен тәулікте коронавирус жұқтыру жағдайларының ең көп санын тіркеді, деп жазады ҚазАқпарат.
Бір тәулікте індетке шалдығушылар саны 308 мыңға артты. Бұл – пандемия кезеңіндегі ең көп тәуліктік өсім көрсеткіші. Әлемде ауру жұқтыру жағдайларының жалпы саны 28,6 миллионға жетті. Коронавирус инфекциясынан көз жұмғандар саны 5,6 мыңға артып, 917,417-ге жетті.
АҚШ індетке шалдыққандар және вирустан қайтыс болғандар саны бойынша әлемде көш бастап тұр. Мұнда 6,3 миллион адам коронавирус жұқтырса, 191 мыңнан астам адам көз жұмған.
Ауру жұқтырғандар саны бойынша екінші орында тұрған Үндістанда 4,6 миллионнан астам адам індетке шалдыққан. Мұнда коронавирустан 78,5 мың адам қайтыс болған.
Бразилия расталған жағдайлар саны бойынша үшінші орында. Мұнда ауру жұқтырудың 4,2 миллион жағдайы тіркелген. Бразилияда 130 мыңнан астам адам коронавирустан көз жұмған.
