Ашуға булыққан мұғалім оқушының арқасына ыстық үтік басып алды

0
1 558

Полиция мұғалімге "Ұрып-соғу" бабы бойынша әкімшілік іс қозғады.


Ашуға булыққан мұғалім оқушының арқасына ыстық үтік басып алды

ERNUR.KZ. Ресейдің Воронеж облысында технология пәнінің мұғалімі жанжал кезінде 12 жастағы оқушыны үтікпен күйдірді. Бұл туралы "Мое Online" порталына баланың анасы хабарлады, деп жазады Sputnik.kz.

Оның айтуынша, оқиға 20 наурызда болған. Баланы І және ІІ дәрежелі күйік шалыпты.

"Ол үтіктің баусымын розеткадан суырып, ұлымның арқасына басып, бу шығарған", - дейді әйел.

Мектеп директоры Валерий Синягин мұндай оқиғаның болғанын растады.

"Ол мұғалім біздің мектепте 35 жылдан аса уақыт жұмыс істеді, өзінің айтуынша, сол күні балалар әбден ашуына тиіп, жүйкесі сыр берген", - деп түсіндірді ол.

Синягин ер адам сол күні-ақ мектептен кетуге өтініш жазғанын айта кетті.

Порталдың мәліметінше, полиция мұғалімге "Ұрып-соғу" бабы бойынша әкімшілік іс қозғаған.