Ресей мен Украина арасындағы соғыс басталғаннан бері "Газпром" Францияға жеткізілетін газ көлемін едәуір қысқартты.
ERNUR.KZ. Францияның Engie деп аталатын энергетикалық корпорациясы "Газпромнан" газ жеткізілімінің қысқаруы туралы хабарлама алды, деп жазады inbusiness.kz.
Компанияның баспасөз қызметінің хабарлауынша, жеткізілімдердің қысқаруына тараптардың келісім-шартты іске асыру бойынша ортақ мәмілеге келе алмауы себеп болған.
Ресей мен Украина арасындағы соғыс басталғаннан бері "Газпром" Францияға жеткізілетін газ көлемін едәуір қысқартты. Бұған дейін ресейлік газды тасымалдау көлемі 1,5 ТВт/сағ дейін төмендетілген болатын.
Engie өкілдері шілде айынан бері Ресей газының импорты жалпы газ импортының 4% құрағанын мәлімдеді.
Есте сала кетейік, бұрын Франция президенті Эммануэль Макрон Ресей газды соғыс қаруы ретінде қолдануда, сондықтан оның жеткізілімін тоқтатуға дайын болу керек деп мәлімдеген еді.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
