Италияда коронавирус жұқтырғандар саны күрт өсті

0
604

Бұл туралы елдің азаматтық қорғаныс қызметінің басшысы Анджело Боррелли хабарлаған.


Италияда коронавирус жұқтырғандар саны күрт өсті

ERNUR.KZ. Италияда коронавирустың жаңа түрін жұқтырғандар саны 79-ға жетті. Соңғы екі күнде науқастар саны күрт өскен, деп жазады Tengrinews.kz.

Оның айтуынша, коронавирус Италияның бес өңірінде анықталған. Елдің солтүстігіндегі Ломбардия қаласында 54 адам ауру жұқтырған.

"Тағы 17 жағдай Ломбардиямен шекаралас Венето облысында, екі жағдай - Эмилии-Романьеде, тағы екеуі Рим маңайындағы Лациода (бұлар қытайлық туристер) және тағы біреуі Пьемонтте", - деді Борелли министрлер кеңесінің шұғыл отырысының қорытындысы бойынша баспасөз конференциясында сөйлеген сөзінде.

Оның айтуынша, 51 адам ауруханаға түскен, оның 18-і интенсивті терапия бөлімінде жатыр, тағы 11 адам - өз үйінде оқшауланған, олардан коронавирустың жаңа түрінің симптомдары анықталмаған.

21 ақпанда, жұмада Италияның Падуя қаласында COVID-19 вирусынан бір адам қайтыс болды. Жергілікті ауруханада 78 жастағы ер адам қайтыс болған, оның тыныс алуы тарылған. Ол ақпанның басында Қытайдан келген досымен тамақ ішкені анықталды.

Сенбіде, Ломбардия облысының Кодоньо қаласындағы ауруханада пневмониядан жергілікті тұрғын 77 жастағы әйел қайтыс болғаны айтылды.

Euronews мәліметінше, 15 мың тұрғыны бар қалашықта тұрғындарға сыртқа шықпауға, балаларды мектепке жібермеу және шіркеуге бармау ұсынылған.