Измирдегі жер сілкінісі құрбандарының саны 25-ке жетті

0
657

Қираған 17 тұрғын үйдің сегізінде іздестіру-құтқару жұмыстары аяқталды.


Измирдегі жер сілкінісі құрбандарының саны 25-ке жетті

ERNUR.KZ. Измирдегі жер сілкінісі құрбандарының саны 25-ке жетті, Түркияның батысындағы 804 тұрғын зардап шекті, деп жазады ҚазАқпарат.

Бұл туралы Түркия үкіметі жанындағы төтенше жағдайлардың алдын алу және жою басқармасы (AFAD) хабарлады.

AFAD мәліметтері бойынша, күшті жер сілкінісінен кейін 6.6 магнитудалық 341 әлсіз соққы болды, күші 4 баллдан асады.


«Измир қаласында 743 тұрғын зардап шекті, бесеуі Манис провинциясында, екеуі Балыкесирде және Айдын провинциясында 54 адам, барлығы 804 адам», – деп хабарлады AFAD.


Қираған 17 тұрғын үйдің сегізінде іздестіру-құтқару жұмыстары аяқталды.

Түркияның батысында жұма күні жергілікті уақыт бойынша 14.51-де 6,6 баллдық жер сілкінісі болды.

Жер сілкінісінің эпицентрі Эгей теңізінде Измир провинциясының Сеферхисар ауданының жағалауында болған.

Жер сілкінісінің ошағы 16,5 км тереңдікте орналасқан.

Бүгін аталмыш оқиғаға байланысты Қазақстанның Тұңғыш Президенті - Елбасы Нұр-Сұлтан Назарбаев Түркия басшысына көңіл айту жеделхатын жолдады.

Сондай-ақ Мемлекет басшысы Қасым-Жомарт Тоқаев Қазақстанның Түркиядағы жер сілкінісінен зардап шеккендерге көмектесуге дайын екенін мәлім етті.