​Қарлы бораннан 9 адам көз жұмды

ERNUR.KZ. Еуропада боран соғып, қар жапалақтап жауып жатыр, деп жазады 24.kz.

Дауылдан Амстердам қаласындағы әуежайдан 160 ұшақ көкке көтерілмеді. Германияның Бавария аймағында тоқтаусыз жауған қардан қоғамдық көліктер жүрісі тоқтап, оқу орындары уақытша жабылған. Австрия елінде де дәл осындай жағдай. Жалпы соңғы мәліметке қарағанда, кәрі құрлықты жайлаған қарлы бораннан 9 адам көз жұмған. Олардың барлығы дерлік шаңғы тебетін таулы аймақтарда опат болған. Ал синоптиктер алдағы күндері осындай ауа райы сақталатынын ескертіп отыр. Кей жерлерде қардың қалыңдығы 2 метрге жетіп, таулы аймақтарда көшкін қаупі күшейеді.