Коронавирустың жаңа толқыны "омикрон"-штамның қосалқы нұсқасына байланысты туындап отыр.
ERNUR.KZ. Дүниежүзілік денсаулық сақтау ұйымының Еуропадағы бюросының басшысы Ханс Клюге коронавирустың жаңа толқыны туралы хабарлады және Еуропа елдерін вакцинация мен бетперде киюге қатысты шұғыл шаралар қабылдауға шақырды, деп жазады sputnik.kz.
"Біз өткен жаздағы жағдайға ұқсас ахуалға тап болғанымыз анық – тек осы жолы жалғасып жатқан COVID-19 толқыны омикрон нұсқасының субжелілерімен, атап айтқанда BA.2 және BA.5 арқылы туындады. "Омикронның" әрбір басым субжелісі бұған дейін айналымда болған вирустарға қарағанда таралу бойынша айқын артықшылықтарды көрсетеді", - деді Клюге.
Оның айтуынша, Еуропалық аймақта соңғы алты аптада коронавирустың жаңа жағдайларының саны үш есе өсті және өткен аптада 3 миллионға жуық адам вирус жұқтырғаны тіркелді. Бұл әлемдегі барлық жаңа инфекция жұқтыру жағдайының жартысына жуықтап тұр.