Леонардо Ди Каприо Сібірдегі өртке байланысты алаңдап отыр

ERNUR.KZ. Голливуд жұлдызы Леонардо Ди Каприо Instagram желісіндегі парақшасында Сібірде, Гренландия және Аляскада болып жатқан өртке алаңдаушылығын білдірген, деп жазады tengrinews.kz.

"Гренландия, Сібір және Аляскадағы өрттен үлкен көлемде түтін будақтатып жатыр, оны ғарыштан да көруге болады. Бүкіләлемдік метеорологиялық ұйым өкілдері өрт салдарынан ауаға тарап жатқан CO2 мөлшері Швецияның бір жылдық көрсеткішімен тең екенін айтады", - делінген ди Каприо жариялаған видеоның сипаттамасында.

Көптеген пікір қалдырушылар актердің осындай жанашырлық танытуына ризашылық білдірді.

28 шілдеде Сібірде орман өртінің салдарынан Қазақстанның бірнеше облысын түтін басқаны айтылды. Красноярск өңірінің тұрғындары бірнеше күнге созылған орман өртінің видеоларын жариялады.