Норвегияда белгісіз біреу мешіттегі адамдарға оқ атты

ERNUR.KZ. Норвегия астанасы Осло қаласында белгісіз біреу мешітке кіріп, адамдарға оқ атты, деп жазады «Хабар 24».

75 жастағы 1 тұрғын жарақат алды. Ғимараттағы адамдар қылмыскерді өздері ұстап, полицияға тапсырған. Бірақ оның кім екені әзірге белгісіз және қандай себеппен шабуыл жасағаны да беймәлім. Куәгерлердің айтуынша, оқиға кезінде қаскөйдің қолында бірнеше қару болған. Қазір тергеу жүріп жатыр.