Орынборда ішімдіктен уланып, 26 адам қайтыс болды

0
404

Осыған дейін 21 құрбан болған адам туралы белгілі болған.


Орынборда ішімдіктен уланып, 26 адам қайтыс болды

ERNUR.KZ. Ресейде Орынбор облысында ішуге арналмаған алкогольмен уланып көз жұмағандар саны 26 адамға жетті. Бұл туралы Денсаулық сақтау министрлігінде айтылды, деп жазады Stan.kz.

Осыған дейін 21 құрбан болған адам туралы белгілі болған. Тағы 28 адам уланып, бірақ аман қалған.

"Зардап шеккендер саны 54 адам. Бірақ ауруханаға ауыр халде жеткізіліп, комаға түскендердің арасындағылар да қайтыс болып жатыр", – деп түсіндірді министрлік.

Орынбор облысында алкогольмен жаппай улану 7 қазанда белгілі болды. Қаза тапқандар мен зардап шеккендер – Яснен, Домбаров және Адамов аудандарының тұрғындары. Ақжар ауылында бес баласы қалған күйеуі мен әйелі қайтыс болды. Қаза тапқандар саны өсіп жатыр.

Жергілікті биліктің айтуынша, суррогат арақ әртүрлі контейнерлерде және әртүрлі жерлерде сатылған. Талдаулар задап шеккендердің биологиялық сұйықтықтарында метанолдың болуын көрсетті, кейбір жағдайларда оның концентрациясы адам үшін өлімге әкелетін дозадан үш-бес есе жоғары болған.

Тергеушілер оқиғаға байланысты алты қылмыстық іс қозғады, алты күдікті ұсталды.

Бұл қауіпті алкоголь өнімдерін заңсыз өндіруді және сатуды ұйымдастырған Орск қаласының 29 жастағы тұрғыны, Ақжар ауылының 60 жастағы тұрғыны және Красночабанский ауылының 47 жастағы тұрғыны – қайтыс болғандарға суррогат арақты сатқан. Ал 50 жастағы Джасай ауылының тұрғынынан 132 бөтелке алкоголь тәркіленген.Тағы екі Орск тұрғыны 35 және 34 жаста, негізгі айыпталушылардың туыстары. Тергеу мәліметтері бойынша, олар ішуге болмайтын алкогольді өндіру мен таратуды ұйымдастыруға қатысқан.

Тергеушілер мен полиция Орскіде суррогат алкоголь сақталған және сатылған қойманы тапты. Онда 1279 бөтелке спирті бар өнімдер тәркіленді.