Ташкент-Термез тас жолында жеңіл автокөлік пен КамАЗ жүк көлігінің қатысуымен жол апаты орын алған.
ERNUR.KZ. Кеше түнде Өзбекстанның Сырдария облысындағы Ташкент-Термез тас жолында жеңіл автокөлік пен КамАЗ жүк көлігінің қатысуымен жол апаты орын алды, деп жазады ҚазАқпарат.
«Апат салдарынан 7 адам зардап шекті, оның 6-ауы - Қазақстан азаматтары. Оның біреуі оқиға орнында мерт болды. Зардап шеккендердің арасында 2008 және 2010 жылы туған екі бала бар» делінген хабарламада.
Ведомствоның мәліметінше, Қазақстанның елшісі бұл мәселені жеке бақылауына алған. Қазақстандық дипломаттар ҚР азаматтарына тиісті көмек көрсету үшін оқиға орнына жетті.
Қазақстан және Өзбекстан Денсаулық сақтау министрліктері қажетті медициналық көмек көрсету үшін тікелей байланыс орнатқан. Өзбек тарапы зардап шеккендерге операция жасау үшін Ташкенттен медицина мамандарын жіберді.
