Украина президентінің шпаргалкасын Кремль пулының тілшісі Дмитрий Смирнов суретке түсіріп алған.
ERNUR.KZ. Дүйсенбі 9 желтоқсанда Парижде "норманд төрттігінің" кездесуі өтті. Ресей, Украина, Франция және Германияның басшылары - Владимир Путин, Владимир Зеленский, Эммануэль Макрон және Ангела Меркель бір үстел басында отырды. Әлем елдерінің басшыларының кездесуінің негізгі мақсаты - Украинаның оңтүстік шығысындағы дағдарыс мәселесін шешу. Алайда кездесу аздаған келеңсіз жайт болды, деп жазады Tengrinews.kz.
Кездесудің төрт мүшесі мәжіліс залына өткен кезде Зеленский Путинге арналған креслоға барып отырған. Креслоға monsieur Poutine деген жазумен Ресей президенті келген кезде Зеленский ыңғайсызданып, орындықтың басқа шетіне шықты.
Зеленский орындыққа отырып, бірден қолына су алды. Артынша тағы бір келеңсіз жайт болды. Орнына отырған Украина президенті журналистерге қарап суретке түсу керек екенін түсінбей қалды. Зеленскийге Макрон мен Путинге қарауға нұсқау берілді.
Сонымен қатар, ресейлік журналистер Париждегі саммитте Владимир Зеленскийдің сөзі орыс тілінде қолмен жазылғанын аңғарып қалған. Украина президентінің шпаргалкасын Кремль пулының тілшісі Дмитрий Смирнов суретке түсіріп алған.
Артынша Елисей сарайында Зеленский мен Путиннің кездесуі өтті. Ол бір сағаттан аса уақытқа созылды.
Айта кетейік, бұл - Ресей және Украина президенттерінің алғашқы кездесуі. Бұған дейін олар тек телефон арқылы сөйлескен.
