Тәжік-қырғыз шекарасының жалпы ұзақтығы - 976 шақырым, соның 504 шақырымы ғана заңдастырылған. Соған байланысты шекарада екі елдің елді-мекендері жанжалдасып қалып жатыр.
ERNUR.KZ. Тәжікстан мен Қырғызстан мемлекеттік шекарадағы тұрақтылықты сақтау мақсатында жер учаскелерін алмастыру мүмкіндігін талқылады, деп жазады centralasian.org.
Бұл туралы Қырғызстан үкіметінің аппараты тәжік-қырғыз шекарасын заңдастыру жөніндегі Душанбедегі келіссөздерден соң хабарлады.
Жиналыста қырғыз-тәжік мемлекеттік шекара сызығын анықтау мен топографиялық карта дайындау мәселелері талқыланған.
Тәжік-қырғыз шекарасының жалпы ұзақтығы - 976 шақырым, соның 504 шақырымы ғана заңдастырылған. Соған байланысты шекарада екі елдің елді-мекендері жанжалдасып қалып жатыр.
Тәжік-қырғыз шекарасын делимитациялау және демаркациялау жөніндегі үкіметаралық комиссияның кезекті отырысы 6 сәуірде кешке Душанбеде аяқталды. Екі елдің ресми делегацияларын тәжік вице-премьері Азим Иброхим мен оның қырғыз әріптесі Жениш Разаков басқарды. Жиналыс жабық өтті.
