АҚШ мемлекеттік хатшысы сонымен бірге Ресейден 2008 жылғы аталған екі аймақта оқ атуды тоқтату жөніндегі келісімді орындап, Абхазия мен Оңтүстік Осетия тәуелсіздігін мойындаудан бас тартып, гуманитарлық көмек жіберуге жол ашуды талап етті.
"АҚШ Ресейдің Грузия жеріне оккупациясын айыптайды. Ресей қарулы күштерінің Грузия аумағына кіруі – халықаралық бейбітшілік пен қауіпсіздікті бұзуы. Ресей басып алған Абхазия мен Оңтүстік Осетия Грузияның бір бөлігі. АҚШ Грузияның егемендігі мен аумақтық тұтастығын қолдайды", – деді Помпео 21 мамырда Грузия премьер-министрі Георгий Квирикашвилимен сөйлесу кезінде. Бұл туралы centralasian.org жазды.
АҚШ мемлекеттік хатшысы сонымен бірге Ресейден 2008 жылғы аталған екі аймақта оқ атуды тоқтату жөніндегі келісімді орындап, Абхазия мен Оңтүстік Осетия тәуелсіздігін мойындаудан бас тартып, гуманитарлық көмек жіберуге жол ашуды талап етті.
Оңтүстік Осетия республикасының Жоғарғы кеңесі 1992 жылдың 29 мамырында Грузиядан тәуелсіздігін алғанын жариялады. Абхазия болса 1993 жылы Грузиямен соғыстан кейін егемендігін жариялады.
2006 жылы Абхазия мен Оңтүстік Осетия бір-бірлерінің тәуелсіздігін мойындады.
2008 жылы Оңтүстік Осетияда Ресей мен Грузия арасында болған соғыстан кейін Ресей екі аймақтың тәуелсіздігін мойындады.
Грузия Абхазия мен Оңтүстік Осетияны Ресей басып алды деп есептейді, ал керісінше Ресей Грузияны елдің аумақтық тұтастығын бұзды деп айыптайды.
