Жарылыстан кейін қосалқы стансаның қасындағы шөп өртене бастаған.
ERNUR.KZ. Тамыздың 27-нен 28-не қараған түні Одесса мұнай өңдеу зауытының аумағында жарылыс болып, өрт шықты, деп жазады ҚазАқпарат.
Агенттіктің жергілікті «Думская» басылымына сілтеме жасап хабарлауынша, полиция жарылыстан кейін қосалқы стансаның қасындағы шөп өртене бастағанын баяндаған.
Журналистер сондай-ақ оқиға болған ауданда ыс пен түтін болғанын атап өтті.
Сондай-ақ, кейін полицияда МӨЗ аумағындағы трансформаторлық қосалқы станса жарылып, одан кейін қасындағы шөп өртене бастағанын растаған. Қаза тапқандар мен зардап шеккендер туралы ақпарат келіп түскен жоқ.
Осы арада, жергілікті тұрғындар жарылыстың металл іздеп, зауытқа кабель кесу үшін жиі келіп жүргендердің кесірінен болуы тиіс деп күдіктенеді.
