Жапонияда балалар азайып бара жатыр

0
462

Бұл көрсеткіш бойынша Жапония 40 миллионнан астам халқы бар 35 елдің ішінде ең төменгі орында тұр.


Жапонияда балалар азайып бара жатыр

ERNUR.KZ. Жапониядағы балалар саны статистика басталған 1950 жылдан бергі ең төменгі деңгейге жеткен, деп жазады ҚазАқпарат.

1 сәуірдегі жағдай бойынша, елде 14 жасқа дейінгі 14,65 миллион қыз бен ұл бар, бұл бір жыл бұрынғы көрсеткішпен салыстырғанда 250 мыңға аз. Ал ондағы 14 жасқа дейінгі кішкентай азаматтар қазір халықтың 11,7 пайызын ғана құрайды. Бұл көрсеткіш бойынша Жапония 40 миллионнан астам халқы бар 35 елдің ішінде ең төменгі орында тұр.

«Жапония халқы, оның ішінде елде тұрақты тұратын шетелдіктер 2020 жылдың қазанынан 2021 жылдың қазанына дейін 644 мың адамға азайып, 125,5 миллионға жетті. Бұл процесс қарт адамдардан басқа барлық жас санаттарында байқалды. 65 жастан асқан ерлер мен әйелдердің саны бір жылда 190 000-ға артып, 36,2 миллионға жетті, бұл Жапонияның жалпы халқының шамамен 29%-ын құрайды», - деп жазды ақпарат көзі.