Жапонияда биылғы маусымда құс тұмауынан қырылған құстардың саны 10 миллионнан асты.
ERNUR.KZ. Жапонияның Миядзаки префектурасында құс тұмауының жаңа ошағы тіркеліп, 100 мыңға жуық тауықты жою басталды, деп жазады zakon.kz.
Каваминами қаласындағы жұмыртқа фермасының қызметкерлері өлі тауықтарды байқаған. Олар қандай да бір ауру бар деп, бірден күдіктенген. Генетикалық талдау құс тұмауының жоғары патогенді штаммының барын растады. Бұл туралы РИА Новости жазды.
Ауру ошағы табылды. Сол шаруашылықтың айналасында үш шақырым жерге тауық пен жұмыртқаны тасымалдауға карантин енгізілді. Тауық пен жұмыртқаларды 10 шақырымдық аймақтан тыс жерлерге шығаруға да тыйым салынды.
Кейінгі індетті ескерсек, Жапонияда биылғы маусымда құс тұмауынан қырылған құстардың саны 10 миллионнан асты. Бұл - қазіргі уақытта антирекорд. Құс тұмауы салдарынан құс шаруашылығына ең үлкен зиян келді. Алдындағы маусымда 2020 жылдың қарашасынан 2021 жылдың наурыз айының соңына дейін 9,87 миллион тауық қырылды, 18 префектурада 52 ауру ошағы болды.
