Жартылай жалаңаш сумаләк пісірген қыздар 15 тәулікке қамалды

0
3 160

Сот олардың баласы бар екенін ескерген.


Жартылай жалаңаш сумаләк пісірген қыздар 15 тәулікке қамалды

ERNUR.KZ. Хорезм облысының Үргеніш қалалық соты 23 наурызда жартылай жалаңаш сумаләк пісірген алты қызға қатысты шешім шығарды, деп жазады centralasian.org.

Жергілікті ақпарат құралдарының хабарлауынша, әкімшілік іске қатысты сотқа қоғам өкілдері мен журналистер қатысқан.

Сот үш қызды 15 тәулікке қамау жөнінде шешім қабылдады. Қалған үшеуіне 1,22 млн сум (шамамен 100 доллар) айыппұл салынды. Сот олардың баласы бар екенін ескерген.

Еске салайық, Үргеніш қаласындағы "Сахара" түнгі клубының биші қыздары жартылай жалаңаш сумаләк мерекелік асын пісірген. 21 наурызда олардың видеосы әлеуметтік желілерде тараған.

Әлеуметтік желі қолданушыларының дені қыздардың бұл әрекетін сынады.

Құқық қорғау органдары видеоға түскен қыздарды тергеуге шақырып, осы оқиғаға қатысты әкімшілік іс қозғаған.