Сәби мен ата-анасын жедел жәрдем қызметі жақын маңдағы ауруханаға жеткізген.
ERNUR.KZ. Барселонадан Брюссельге бара жатқан жолаушы автобуста босанды. Күнделікті рейс кезінде сағат түнгі 3:30-да жолаушы жүргізушілерге келіп, әйелі босанатынын айтқан. Олар ең алдымен, жергілікті жедел жәрдем қызметіне қоңырау шалған деп жазады sputniknews.kz.
Кейін автобусты тоқтатып, дәрігерлерді күткен.
"Адамдардың біразы ұйықтап жатқан болатын. Жүргізуші мән-жайды түсіндірген соң , бәріміз автобустан шықтық", - дейді туристердің бірі.
Жарты сағаттан соң әйел аман-есен босаныпты. Сәби мен ата-анасын жедел жәрдем қызметі жақын маңдағы ауруханаға жеткізген.
Кейін БАҚ өкілдері ата-анасы нәрестенің атын Зенеп деп қойғанын хабарлады. Ол кәмелеттік жасқа толғанға дейін компания автобустарымен тегін жүре алады.
