​Жасөспірімді ұрған депутат директормен келісімге келе алмады

0
934

Депутат оларды шулады деп, ескерту жасаған.


​Жасөспірімді ұрған депутат директормен келісімге келе алмады

Мәскеу түбіндегі Пушкинский ауданының депутаты Андрей Одинцов жасөспірімдерге ескерту айтамын деп, басы бәлеге қалды, - деп хабарлайды ERNUR.KZ.tengrinews.kz сайтына сілтеме жасап.

Андрей Одинцов Ельдигино ауылындағы мектеп стадионын салып жатқан мердігерлердің жұмысын бақылаушы болған. Осы кезде трибунада дене шынықтыру сабағынан босатылған бірнеше оқушы отырған. Депутат оларды шулады деп, ескерту жасаған. Өз кезегінде балалар ешкімге кедергі келтіріп отырмағанын айтып шыға келген, осы кезде Одинцов олардың біріне жақындайды. Сонда балалардың бірі "Мені ұрасыз ба? Бұл қылмыс" дейді.

Депутат бұл сөзге шыдамай жасөспірімнің бетінен шапалақпен ұрады.
Оқиғаны куәгерлер видеоға түсіріп алып, дене шынықтыру пәнінің оқытушысына шағымданған.

Кейін депутат мектеп директорымен де келісімге келе алмаған. Депутат "жастармен қалай жұмыс істеу керектігін білетінін" және кешірім сұрамайтынын мәлімдеген. Баланың ата-анасы болса сотқа жүгінбек.