Жаттығуды күніне екі рет - таңертең және кешке орындасаңыз 10 күнде саныңыз 3-4 см-ға жіңішке болады.
Егер аяғыңыздың толықтығынан қысылып жүрсеңіз, онда бүгінгі ұсынатын жаттығу сізге арналады. Бұл жаттығуды орындау үшін жанды салып жүгірудің де, секірудің де қажеті жоқ. Ең қажеттісі орындық және жаттығу жасауға деген құлшыныс. Жаттығуды бүгін бастасаңыз 10 күннен кейін-ақ нәтижесін көресіз.
Аталған гимнастиканың авторы, жапон дәрігері - Хироси Кацуяма. Дәрігердің айтуынша, күніне екі рет - таңертең және кешке орындасаңыз 10 күнде саныңыз 3-4 см-ға жіңішке болады. Ол тек саныңызды арықтатып қана қоймай, аяқтың іскенін басады, қан айналымын дұрыстайды. Сонымен бірге, жаттығудан соң бастың ауырғаны, белдің қақсағанын қояды екен.
1 ‒ жаттығу
Бұл жаттығуды орындықта отырған қалыпта орындайсыз. Сол себепті ең алдымен өзіңізге ыңғайлы жерге орындық қойып алыңыз. Содан кейін сол орындыққа жайғасып отырыңыз. Аяғыңызды жинап, табандарыңызды бір-біріне тигізіңіз.
Осылайша отырғаннан кейін екі қолыңызбен саныңыздың ішкі жағын ұстаңыз. Екі қолыңызбен саныңызды екі жаққа қарай итересіз, ал тізеңізді керісінше бір-біріне тигізіп ұстаңыз.
Жаттығуды орындау барысында табандарыңыз қимылдамамасын, бастапқы қалпын сақтауы керек.
Басыңыз бен арқаңызды тік ұстаңыз. Жаттығу кезінде бөксе бұлшықеттерін босаңсытқан жөн. Сөйтіп, қолыңыз саныңызды итерген қалыпта 10 секунд тұру қажет. Жаттығуды 3 рет қайталаңыз. Жаттығуды жақсылап меңгерген соң оның ұзақтығын 30 секундқа дейін арттыруға болады.
2 ‒ жаттығу
Орындықта тік отырып, аяғыңызды арасын барынша ашыңыз.
Қолдарыңызбен екі саныңыздың сыртқы жағынан ұстаңыз.
Осылай отырған қалыпта аяқтарыңыздың арасын тағы да ашуға тырысыңыз. Ал қолдарыңызбен қарсылық көрсетіп, керісінше итеруіңіз керек.
Жаттығуды 3 рет қайталаңыз. Ал қолыңызды 10 секунд бойы ұстаңыз. Бұл жаттығудың уақытын да қалаған уақытта 30 секундқа дейін ұзартуға болады.
3 ‒ жаттығу
1. Орындыққа тік отырыңыз. Аяғыңызды айқастырып, тізеңізді бірінің үстіне бірін қойыңыз.
2. Қолдарыңызбен саныңызды ұстаңыз.
3. Оң аяғыңыздың ұшын тізеңізге қарай созыңыз. Ал тізеңізді денеңізге қарай көтеріңіз. Саныңызды екі жаққа қарай итересіз, бірақ қолдарыңызбен мықтап ұстап алаңыз. Кейін дәл осы қалыпта жаттығуды сол аяғыңызбен қайталайсыз. Әр аяқпен 10 секунд (кейін 30 секунд) жасау керек. Жаттығуды 3 реттен қайталайсыз.
4 ‒ жаттығу
1. Орындыққа тік отырып, тобығыңызды айқастырыңыз.
2. Қолдарыңызбен саныңыздың ішкі жағын ұстаңыз.
3. Кейін қолыңызбен саныңызды екі жаққа қарай итеріңіз. Қолдарыңызды осы қалыпта 10 секунд ұстап тұруға тырысыңыз. Жаттығуды 3 рет қайталаңыз.
(Сурет ашық дереккөздерден алынды)
Дайындаған: Н.НАЛТАЙ,
ERNUR.KZ
Тағы да оқыңыз:
Кесарь тілігі: Ота арқылы босанған соң фитнеспен шұғылдануға бола ма?
Фитнес жасқа қарамайды: 60-тан асқан МІНСІЗ МҮСІНДІ қариялар
