Сенат төрағасы Мәулен Әшімбаев Алматыға сапары аясында қалалық мәслихат депутаттарымен және сарапшылармен кездесті.
ERNUR.KZ. Сенат спикерінің сөзінше, өңірлерді кешенді дамытпай, тұтас елдің өркендеуін жаңа деңгейге шығару мүмкін емес. Сондықтан Әділетті Қазақстан құру үшін осы бағытқа басымдық беру қажет, деп жазады inbusiness.kz.
Сонымен қатар Палата Төрағасы осы аптада сенаторлар қабылдаған "Агломерацияларды дамыту туралы" заң өңірлерді жан-жақты дамытуды көздейтінін айтты. Осы заң аясында кешенді жоспар қабылданады. Әсіресе, еліміздегі ең ірі Алматы агломерациясын дамыту үшін Сенат пен мәслихат депутаттары бірлесіп жұмыс істеуі керектігін қаперге алды.
Сенат Төрағасы Алматы қаласындағы "Алатау" әлеуметтік қызметтер орталығының ұжымымен де кездесті.
Мәулен Әшімбаев 2023 жылдан бастап дәрігерлердің жалақысы – 30, орта медициналық қызметкерлердің табысы 20 пайызға өсетінін айтты.
