​Ақтауда автоұрыларды ұстауға полицияның 15 қызметтік көлігі жұмылған

0
1 252

Олар №2 ықшамауданда ұсталған.


​Ақтауда автоұрыларды ұстауға полицияның 15 қызметтік көлігі жұмылған

ERNUR.KZ. Ақтауда көлік айдап әкеткендерді ұстауға полицияның 15 көлігі жұмылдырылған. Олар ұрыларды 15 минутта ұстаған, деп жазады Tengrinews.kz.

Бұл оқиға 29 желтоқсанға қараған түні болған. Ақтаулық полицейлер ұрылардың қазіргі уақытта қалалық Ішкі істер басқармасында екенін айтты. Басылымның мәліметінше, Lada Priora көлігінің иесі туыстарына қонаққа келген, көлігін сол үйдің ауласында қалдырған. Алайда 1,5 сағаттан соң ол көлігін таппай қалған. Бірден полицияға хабарлаған.

Ақтаулық әйелдің айтуынша, полицейлер автоұрыларды 15 минутта ұстаған. Олар №2 ықшамауданда ұсталған.

Жол полициясы қызметкерлері ұсталғандардың жергілікті тұрғындар емес екенін айтады. Оларға қатысты ҚР Қылмыстық кодексінің 200-бабының 2-бөлігі бойынша ("Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу") сотқа дейінгі тергеу жүріп жатыр.