Ақтауда жігітті ұрлау сәті видеоға түсіп қалған

0
829

Автокөліктің ішінен бірнеше ер адам шығып, жігіттің артынан қуа жөнелген.


Ақтауда жігітті ұрлау сәті видеоға түсіп қалған

ERNUR.KZ. Ақтауда жігітті ұрлап жатқан кез видеоға түсіп қалған. Белгісіз біреулер оны жолда ұстап алып, белгісіз бағытқа алып кеткен, деп жазады Tengrinews.kz.

Оқиға 20 наурызда 12-ші, 13-ші және 17-ші шағын аудан арасындағы қиылыста болған. Куәгерлердің айтуынша, Hyundai автокөлігі лезде тоқтап, ішінен бірнеше ер адам шығып, жігіттің артынан қуа жөнелген.

"Ерлердің бірі оны ұстап алды. Жігіт жылап, айналадағы адамдардан көмек сұрады. Нәтижесінде оны көлікке қинап салды да, бір жерге алып кетті. Жігітпен не болары белгісіз, өйткені олар танысы немесе туысы емес екені анық көрінеді", - деді куәгерлер.


Маңғыстау облыстық полиция департаментінің баспасөз қызметіндегілер болған оқиғаның мән-жайы анықталып жатқанын хабарлады.