Сөздері дәлелді болу үшін олар зиянкестерді бейнекамераға түсіріп, видеоны әлеуметтік желіге жүктеген
ERNUR.KZ. «Ақтөбе-Алматы» бағытында жүретін пойыздың жолаушылары төсек жабындыларында зиянкестердің жүргенін айтады. Сөздері дәлелді болу үшін олар зиянкестерді бейнекамераға түсіріп, видеоны әлеуметтік желіге жүктеген, деп жазады sn.kz.
Бейнежазбада зиянкестердің төсек жабындыларында өрмелеп жүргені көрінеді. Алайда, «Жолаушылар тасымалы» АҚ пойызда жиі тазарту жұмыстары жүргізіліп отыратынын алға тартты.
«Басқа жолаушылар шағымданған емес. Өйткені біз ай сайын тазарту жұмыстарын жүргізіп отырамыз. Егер расымен де зиянкестер пойызда болса, онда қажетті шараларды қолданамыз», - дейді «Жолаушылар тасымалы» АҚ компаниясының баспасөз қызметі.
