Алматыда балалар мінген автобус жол апатына ұшырады (фото)

0
1 037

Алматыда жеңіл көлік пен автобус соқтығысты, зардап шеккендер бар.


Алматыда балалар мінген автобус жол апатына ұшырады (фото)
ERNUR.KZ. Алматыда BMW 525 көлігі ішінде балалар отырған автобуспен соқтығысты, деп хабарлайды Sputnik Қазақстан.


Жол апаты Сүйінбай даңғылында жаяу жүргіншілер жолында болған.

Балаларды демалысқа апара жатқан автобустың жүргізуші жаяу жүргіншілер жолында тоқтап, адамдарды өткізе бастайды. Осы мезетте автобустың артына жоғары жылдамдықпен келе жатқан BMW 525 соғылады.

Қатты соққыдан автобус жолдың шетіне ұшып кетіп, бағанаға соғыла жаздаған.

Автобустың ішінде жүргізуші мен 10 бала отырған. Олар зардап шеккен жоқ. Ал BMW 525 көлігінің жүргізушісі мен жолаушысын жедел жәрдем түрлі жарақатпен ауруханаға жеткізді.