Дәрінің аллергия беретінін алдын ала анықтай алмаймыз деп отыр.
ERNUR.KZ. Алматыда дәрігерлердің екпесінен соң, 12 жастағы қыздың терісі сыпырылып түсіп қалды, деп хабарлайды ktk.kz.
Ине салдырған соң аллергиясы асқынған. Алматылық қос зейнеткер немересін ауыр халге жеткізген дәрігерлерді жазалауды сұрайды. Алматыдағы қалалық балалар клиникалық жұқпалы аурулар ауруханасына түскен соң Диана Ақылбектің жағдайы нашарлап, жансақтау бөліміне жатқызылған. Дәріге аллергиядан 12 жастағы жасөспірімнің терісін күйік шалғандай сыпырылып түсе бастаған.
Диана қалалық балалар клиникалық жұқпалы аурулар ауруханасына түскен соң жағдайы күрт нашарлай бастайды. Тыныс алу нашарлайды. Терісі сыпырылып түседі. Оған дәрігерлердің салған дәрісі себеп болған. Алайда ақ халаттылар дәрінің аллергия беретінін алдын ала анықтай алмаймыз деп отыр.
"Баламыз ауруханаға түскен соң бізді кіргізбей қойды. Өйткені терісі күлдіреп түсе бастаған. Ертесі жансақтау бөлімінде жатыпты. Сол кезде бір-ақ айтты", - деді әжесі Жұмакүл Бекқожаева.
Диананың шашы мен қасы ғана аман. Терісінің 70 пайызы сыпырылған. Осыдан соң Диананы №2 ауруханаға ауыстырды.
"Қазір баламның жағдайы жақсарып қалды. Артур Сатенов деген жігітке рахметімді айтам", - дейді әжесі.
Алматы қалалық клиникалық балалар жұқпалы аурулар ауруханасы бас дәрігерінің орынбасары Айнұр Уәлиева Диананың бастапқыда дәрігер аллергиясы болмағанын, дәріге әсері үшінші күні ғана байқалғанын айтты.
Жәбірленуші денсаулық сақтау министрілігі мен прокуратураға шағым түсірген. Дәрігерлердің жазаланғанын қалайды.
