Алматыда қоғамдық жұмысқа тартылғандардың жалақысы көтерілді

0
643

Жалпы қоғамдық жұмысқа 12 мың адамды жіберу жоспарланған.Қазіргі уақытта 2290 жұмысшы тартылды.


Алматыда қоғамдық жұмысқа тартылғандардың жалақысы көтерілді

иллюстрациялық фото

ERNUR.KZ. Алматыда «Еңбек» бағдарламасы аясында уақытша жұмыс істейтін жұмыссыздарға қолдау көрсетіледі, деп жазады ҚазАқпарат.

Алматы қаласы халықты жұмыспен қамту орталығының директоры Диляра Иманқұлованың айтуынша, бүгінгі күнге дейін қоғамдық жұмыстарға тартылғандарға ең төменгі жалақы (айына 63,350 теңге) төленетін.

«Төтенше жағдайға байланысты жеке ұйымдардың қызметі тоқтап тұр. Сәйкесінше, жұмыссыздар саны көбеюде. Әлеуметтік қолдау және халықты қоғамдық жұмыстарға тарту мақсатында басқарма басшысының бұйрығымен қоғамдық жұмыстарға қатысушының жалақысы көтерілді. Айына 85 мың теңге мөлшерінде бекітілді», – деді Диляра Иманқұлова.

Жалпы қоғамдық жұмысқа 12 мың адамды жіберу жоспарланған.Қазіргі уақытта 2290 жұмысшы тартылды.

«Бұл тек көшелерді, саябақтарды, алаңдарды тазарту ғана емес, мұнда еріктілер қызметі де қарастырылған. Яғни, қарттар мен мүгедектерге қарау сияқты басқа да жұмыс түрлері бар», – деді ол.