Алматыда сегіз жыл бойы іздеуде жүрген қылмыскер ұсталды - видео

0
685

Аса ауыр қылмыс жасаған ер адам шамамен сегіз жыл бойы халықаралық іздеуде болған.


Алматыда сегіз жыл бойы іздеуде жүрген қылмыскер ұсталды - видео

ERNUR.KZ. Қазақстан Республикасының сыбайлас жемқорлыққа қарсы іс-қимыл агенттігі жедел-іздестіру шаралары нәтижесінде қауіпті қылмыскерді құрықтады, деп жазады sputniknews.kz.

"Биылғы жылдың 26 ақпанында Алматы қаласында ауыр қылмыс жасағаны үшін, атап айтсақ, адам өліміне әкелген ауыр дене жарақатын қасақана келтіргені үшін 33 жастағы Қарағанды қаласының тұрғыны ұсталды. Ол шамамен сегіз жыл бойы халықаралық іздеуде жүрген", - деп хабарлайды сыбайлас жемқорлыққа қарсы қызмет.



Бүгінгі күні ол Алматы полиция департаментінің уақытша ұстау изоляторына қамалды. Бұлтартпау шарасы – "қамауға алу".

Атап өтсек, 2019 жылдың шілдесінде Қарағанды облысының прокуратурасы адам іздестіруді сыбайлас жемқорлыққа қарсы қызметке қайта тапсырған болатын.