Алдын ала сараптама кезінде ер адамның денесінде зорлық-зомбылық белгілері анықталған жоқ.
ERNUR.KZ. Түрксіб ауданында теміржол маңынан ер адамның мәйіті табылды, деп жазады ҚазАқпарат.
Алматы қалалық Полиция департаментінің мәліметінше, Локомотив машинисі жағымсыз иіске шағымданған.
«Оқиға орнына келген полиция қызметкерлері бұталардың арасынан ер адамның мәйітін тапты. Тексеру кезінде құжаттары да табылды. Ол - 49 жаста. Алдын ала сараптама кезінде денесінде зорлық-зомбылық белгілері анықталған жоқ»,- деп хабарлады полициядан.
Өлімнің себебін анықтау үшін ер адамның денесі қалалық мәйітханаға жеткізілді. Онда сот-медициналық сараптама жасалады.
