Таныстардың арасында жанжал болғаны анықталды.
ERNUR.KZ. Әлеуметтік желіде Алматыдағы Достық көшесінің бойындағы төбелестің видеосы кең тарады. Оқиғаға қатысты қалалық полиция департаменті түсініктеме берді, деп жазады Stan.kz.
Полиция департаментінің мәліметінше, бұзақылық фактісі тіркеліп, сотқа дейінгі тергеу жұмыстары жүргізіліп жатыр.
"Бұл факт Алматы қаласы Медеу ауданының аумағында орын алды. Ол Қылмыстық кодекстің 293-бабы "Бұзақылық" тармағы бойынша сотқа дейінгі тергеудің бірыңғай тізіміне тіркелді. Кешкісін сол компанияда болған таныстардың арасында жанжал болғаны анықталды. Барлық сотталушылар ұсталып, полицияға жеткізілді. Әрқайсысының іс-әрекетіне Қазақстанның заңнамасына сәйкес одан әрі қабылданатын шаралармен құқықтық баға беріледі", - деді Алматы полиция департаментінің баспасөз қызметі.
