Алматының екі миллионыншы тұрғыны анықталды

07.08.2021 16:36

513

Алматы халқының саны екі миллионнан асты.

Алматы әкімі Бақытжан Сағынтаев қаланың екі миллионыншы тұрғыны кім екенін айтты, деп хабарлайды ERNUR.KZ.

"Ұлттық статистика бюросының мәліметінше, қазірдің өзінде қазақстандықтар 19 миллионға жетті. Ал Алматы халқының саны екі миллионнан асты!

Аяла Жамбыл екі миллионыншы тұрғын атанды. Ол полиция қызметкері Бейбіт Әбілдаев пен балабақша тәрбиешісі Әлия Жәнібекованың отбасындағы алтыншы қыз. Денсаулық, амандық пен бақыт тілеймін!", - деп жазды өңір әкімі Facebook желісіндегі парақшасында.