Армениядан әкелінген және уақытша есепке қойылған сары белгідегі мемлекеттік тіркеу нөмірлерін алған көлік құралдары ағымдағы заңдастыру шеңберінде тіркеуге жатады.
ERNUR.KZ. Бұл туралы ҚР ІІМ ӘПК ерекше тапсырмалар жөніндегі аға инспекторы Алтынбек Жамалиев мәлімдеді, деп жазады zakon.kz.
"Армения Республикасынан әкелінген және уақытша есепке қойылған сары белгідегі мемлекеттік тіркеу нөмірлерін алған көлік құралдары да ағымдағы заңдастыру шеңберінде тіркеуге жатады. Сонымен бірге ақ мемлекеттік тіркеу белгісін алу мүмкіндіктері бар. Алайда аталған көлік иелері тіркеу елінен автокөліктерін шешіп алу бойынша ІІМ-ге әртүрлі сұрақтармен жүгініп жатыр. Ішкі істер министрлігі Сыртқы істер министрлігімен бірлесе, Армениядағы әріптестерін тарта отырып, осы сұраққа байланысты көлікті қашықтан шешу және есептен шығару мәселелерін пысықтап жатқанын жеткіземіз".ҚР ІІМ ӘПК ерекше тапсырмалар жөніндегі аға инспекторы Алтынбек Жамалиев
Алдында ҚР ІІМ автокөліктерді заңдастыру бойынша сұрақтарға тыңғылықты жауап берген болатын.
