Әр топ 10-13 адамнан құралған. Оқушыларды 12 ұстаз оқытуда.
ERNUR.KZ. Астанада өтіп жатқан қазақ тілін меңгеруге бағытталған тегін курстар қарашаға дейін жалғасады, деп жазады Today.kz.
Оқудың бірінші кезеңі сәуірде басталған болатын. Қазіргі таңда оқудан 750 адам өтті. Оқушылар деңгейіне қарай топқа бөлінген.
"Мұнда барлығы 6 деңгей. А1 және А2 – базалық деңгей, Б1 және Б2 – орташа, С1 және С2 – алдыңғылар. Деңгей тест арқылы анықталады. Сосын қалауына қарай арнайы топқа жазылу басталады. Сәуірден шілдеге дейін бізде 51 топ оқып кетті", – деді Ұлттық тіл орталығының директоры Айжан Сұмғатова.
Ол қазақ тілін оқыту ҚР тілді функциялау және дамытудың 2011-2020 жылдарға арналған мемлекеттік бағдарламасы шеңберінде жүргізіліп жатқанын айта кетті.
"Өткен жылы осы бағдарлама бойынша біз 1400 адамды оқыттық, осы жылы тағы да осыншама адамды қамтуды жоспарлап отырмыз", – деді Сұмғатова.
Негізінен курсқа мұғалімдер мен медицина қызметкерлері келеді.
"Олар адамдармен бірге өзара жұмыс жасайды, сол үшін мемлекеттік тілді білудің үлкен маңызы бар. Сондай-ақ курста өзге ұлттың да адамдарын жиі кездестіруге болады. Оларға біздің грамматиканы түсіндіру қиын, бірақ біздің жұмыста бастысы шыдамдылық", – дейді оқытушы Мағжан Тоғжанов.
Әр топ 10-13 адамнан құралған. Оқушыларды 12 ұстаз оқытуда.
"Қазір мен осы шақ пен өткен шақтан тұратын қарапайым сөйлем құрай аламын. Нәтижеме көңілім толады. Қазір жасым 33-те, кейбіреулер бұл жасты тіл үйренуде кеш деп санауы мүмкін. Менің тәжірибемде керісінше", – дейді Ирина Свиридова.
Оның жұмысы мемлекеттік тілдегі корреспонденциямен байланысты.
"Жұмыста маған оңай бола бастады. Әріптестерімнен бұрынғыдай ресми құжаттарды аударып беруін өтінудің қажеті жоқ, өзім түсіне бастадым. Әрине оқуымды жалғастырамын, себебі маған осы курста оқыған ұнайды", – деді Свиридова.
Оқытудың жалпы бағдарламасы 8 айға лайықталған. Сынақты сәтті тапсырғаннан кейін оқудан өткендігі туралы сертификат беріледі. Ары қарай оқығысы келгендер келесі курста жалғастырады.
Қазақ тілін үйренгісі келетіндер мына телефон бойынша хабарласуына болады: 8747 526 28 55 және 8701 390 02 25.
