Ата-анасына айтпаған: Павлодарда 12 жасар бала суға батып кетті

0
779

19 тамызда бала достарымен серуендеу үшін үйден шығып, қайтып оралмаған.


Ата-анасына айтпаған: Павлодарда 12 жасар бала суға батып кетті

ERNUR.KZ. Павлодарда шомылып жүрген 12 жасар бала Ертіске батып кетті, деп жазады Stan.kz.

Бұл туралы төтенше жағдайлар департаменті мәлімдеді.

“19 тамызда сағат 00:10-да Павлодар қаласының полиция қызметінің жедел кезекші бөлімінен сағат 14:30 шамасында Ертіс өзеніне 2009 жылы туған жасөспірім батып кетті деген хабарлама келіп түсті. Бұл күні, шамамен 11:12-де, бала достарымен серуендеу үшін үйден шығып, қайтып оралмаған”, – деп мәлімдеді төтенше жағдайлар департаменті.

Сағат 22:00 шамасында ата-аналар полицияға жүгінген. Істі қарау барысында, достарының айтуынша, баланың өзенде суға батып кеткені анықталды. Қорқып кеткен балалар бұл туралы марқұмның ата-анасына айтпаған.