Атырау тұрғыны Instagram-дағы жарияланымдары үшін сотталды

0
747

Әлеуметтік желідегі парақшасы жабылды.


Атырау тұрғыны Instagram-дағы жарияланымдары үшін сотталды

ERNUR.KZ. Атырауда 22 жастағы қала тұрғыны Instagram-да жариялаған аудио және видеоматериалдары үшін сотталды, деп жазады Stan.kz.

Атырау облысы полиция департаменті баспасөз қызметінің мәліметінше, Атыраудың 22 жастағы тұрғыны өзінің Instagram парақшасында теолог Ибн әл - Джаузидің идеяларын насихаттайтын аудио-және бейнематериалдарды орналастырған. Дінтану сараптамасының қорытындысына сәйкес осы жазбалардың мазмұны Қазақстанда пайдалануға және таратуға тыйым салынған.

Осыған байланысты жас жігіт Қазақстан Әкімшілік құқық бұзушылық туралы кодексінің 453-бабын бұзғаны үшін жауапқа тартылды. Кейіннен сот қаулысымен оған 20 АЕК (55 560 теңге) айыппұл салынды, ал әлеуметтік желідегі парақшасы жабылды.

Сонымен қатар, Атырауда соңғы уақытта аталған бап бойынша тағы төрт азамат жауапкершілікке тартылды. Мысалы, олардың бірі Египетте теологиялық сипаттағы күмәнді оқу орнында оқыған, содан кейін ол өзінің ВКонтакте парақшасында дәстүрлі емес исламның танымал идеологтарының уағыздарын жариялай бастады.