​Аялдамада тұрған әйел мен 3 жасар баланы көлік қағып, мерт қылды

0
1 307

Жол апатынан 3 адам зардап шекті.


​Аялдамада тұрған әйел мен 3 жасар баланы көлік қағып, мерт қылды

ERNUR.KZ. Атыраудағы автобус аялдамасында тұрған әйел мен 3 жасар баланы көлік қағып кетіп, екеуі де оқиға орнында көз жұмды, деп жазады ҚазАқпарат.

«Қайғылы оқиға қала маңындағы Құрсай кентіне қатынайтын №5 автобустың ақырғы аялдамасында болды. Жол апатынан 3 адам зардап шекті. 37 жастағы әйел мен 3 жасар бала жедел жәрдем бригадасы келгенге дейін көз жұмды, ал 5 жасар қыздың миы шайқалып, жамбас сүйегі сынған. Бүлдіршін облыстық балалар ауруханасына жеткізілді», - деді Атырау облысы ІІД баспасөз қызметінің өкілі.

ІІД баспасөз қызметінің мәліметінше, жол-көлік оқиғасы ҚР ҚК 345-бабы, 2-бөлігіне («Көлік құралдарын басқарған тұлғалардың жол қозғалысы немесе көлік құралдарын қолдану ережесін бұзуы») сәйкес сотқа дейінгі тергеп-тексерудің бірыңғай реестрінде тіркелді. Сотқа дейінгі тергеу амалдары жүргізіліп жатыр.