Жол апаты салдарынан 70 жастағы зейнеткер жарақат алып, ауруханаға жеткізілді. Алайда оның өмірін сақтап қалу мүмкін болмады.
ERNUR.KZ. Алматы облысында егде жастағы әйелді жүк көлігі қағып кетті. Оқиға қарама-қарсы бағыттан келе жатқан көліктің видео тіркеуіш құралына түсіп қалды, деп жазады sputniknews.kz.
Зейнеткер жаяу жүргінші жолымен келе жатып, DAF-150 жүк көлігінің астына түседі. Жазба авторы апат Алматы облысы Боралдай елді мекенінде болғанын хабарлады.
Облыстық полиция оқиға 6 қаңтар күні тіркелгені туралы ақпарат берді.
