Бұл туралы Сыбайлас жемқорлыққа қарсы күрес агенттігі баспасөз қызметі хабарлады.
ERNUR.KZ. Батыс Қазақстан облысы Теректі ауданының білім бөлімінің №1 орта мектебінің директоры пара алғаны үшін сотталды, деп жазады Тengrinews.kz.
Батыс Қазақстан облысының Сыбайлас жемқорлыққа қарсы қызметі осыған дейін "БҚО Теректі ауданының білім бөлімінің №1 Подстепнов орта мектебі" ММ-не әлеуметтік педагог-психолог ретінде жұмысқа орналастыру үшін азаматтан 300 мың теңге көлемінде пара алды деген күдікпен аталған мектеп директоры А.А.Қаймулдиновқа қатысты тергеуді аяқтаған болатын.
"Биыл 29 қарашада Теректі аудандық сотының үкімімен А.А.Қаймулдинов пара алғаны үшін айыпты болып танылып, оған өмір бойы мемлекеттік қызметте лауазым атқару құқығынан айырумен, 9 миллион теңге айыппұл төлеу жазасы тағайындалды", - делінген хабарламада.
