Жаңа әннің бейнебаяны 23 желтоқсанда жарияланады.
Әнші Димаш Құдайберген Instagram-дағы өз парақшасында жаңа бейнебаянының тизерін жариялады, деп хабарлайды ERNUR.KZ.
«Dears (әнші өз жанкүйерлерін осылай атайды), 23 желтоқсанда менің ресми Youtube-арнамда жаңа бейнебаяным жарияланады. Өткізіп алмаңыздар», - деп жазды Димаш Құдайберген.
Жарияланған тизерде жақында Мәскеуде шырқалған «Мен сені сағындым» жаңа әнінің үзіндісі келтірілген.
Еске сала кетсек Димаш Құдайберген 9 айдан кейін сахнаға қайта оралған болатын. Нақтырақ айтқанда таяуда Ресей астанасы Мәскеудегі ВТБ аренада дәстүрлі «Жыл әні» концерті өтті. 5 желтоқсанда өткен кеште Димаш «Там, где живет любовь», «Your Love» және жаңа «Я скучаю по тебе» атты үш әнді орындап, жанкүйерлерінің көңілінен шықты.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
