Директордың орынбасары қызметкерін балағаттағаны үшін айыппұл арқалады

0
1 006

Мұнай компаниясы басшыларының бірі қол астындағы жұмысшыға елдің көзінше тіл тигізген


Директордың орынбасары қызметкерін балағаттағаны үшін айыппұл арқалады

ERNUR.KZ. Ақтауда мұнай компаниясы бастығының орынбасарына балағат сөзі үшін айыппұл салынды, деп хабарлайды Zakon.kz.

Жанжал тудырған басшы енді 12 мың теңге көлемінде айыппұл төлейді. Бұл туралы Ақтау қалалық мамандандырылған әкімшілік соттың баспасөз қызметі хабарлап отыр.

"Сот Ч. есімді азаматтың "Маңғыстаумұнайгаз" АҚ бастығының орынбасары лауазымында бола отырып, жұмысшының құжатына қол қойюдан бас тартқанын анықтады. Оған оның қол қою мерзімі өтіп кетуі себеп болған. Осының негізінде бастық орынбасары жұмысшыны балағаттап, дау-дамай тудырған", - деп хабарлап отыр сот өкілі.

Сот таратқан ақапартқа сәйкес, мұнай компаниясы басшыларының бірі өз әрекетімен қоғамдық орында қоршаған ортаға құрметсіздік танытқан. Ол ҚР ӘҚБк 434-бабы 1-тармағына (Ұсақ бұзақылық) сәйкес әкімшілік жауапкершілікке тартылды. Сот үкімі заңды күшіне әлі енген жоқ.