Елімізде Нан күні тойланатын болды

0
1 846

Ауыл шаруашылығы, тамақ және өңдеу өнеркәсібі қызметкерлері күні де арнайы атап өтіледі.


Елімізде Нан күні тойланатын болды

иллюстрациялық фото: ашықдереккөз

ERNUR.KZ. Қазақстандықтар қазан айында - Нан күнін, ал қарашада - Ауыл шаруашылығы, тамақ және өңдеу өнеркәсібі қызметкерлері күнін атап өтетін болды, деп жазады ҚазАқпарат.

«Қазақстан Республикасындағы мерекелік күндердің тізбесін бекіту туралы» ҚР Үкіметінің 2017 жылғы 31 қазандағы № 689 қаулысына өзгеріс пен толықтыру енгізу туралы «Қазақстан Республикасы Үкіметінің 2019 жылғы 16 қыркүйектегі № 691 қаулысына қол қойылды. Қаулы Қазақстан Республикасы нормативтік-құқықтық актілерінің ақпараттық-құқықтық жүйесінде жарияланған.

«Қазақстан Республикасындағы мерекелер туралы» 2001 жылғы 13 желтоқсандағы Қазақстан Республикасы Заңының 4-бабына сәйкес Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасындағы мерекелік күндердің тізбесін бекіту туралы« Қазақстан Республикасы Үкіметінің 2017 жылғы 31 қазандағы № 689 қаулысына (Қазақстан Республикасының ПҮАЖ, 2017 ж., № 53, 343-құжат) мынадай өзгеріс пен толықтыру енгізілсін:

көрсетілген қаулымен бекітілген Қазақстан Республикасындағы мерекелік күндердің тізбесінде:

мынадай мазмұндағы 36-2-тармақпен толықтырылсын:

«36-2. Нан күні – 16 қазан»;

44-тармақ мынадай редакцияда жазылсын:

«44. Ауыл шаруашылығы, тамақ және өңдеу өнеркәсібі қызметкерлері күні – қарашаның үшінші жексенбісі».

2. Осы қаулы алғашқы ресми жарияланған күнінен кейін қолданысқа енгізіледі.

Қазақстан Республикасының Премьер-Министрі Асқар Мамин