8 маусым — тыныштық күні. Бұл күні атқарылатын кез келген агитациялық қызмет заңсыз деп табылады.
ERNUR.KZ. Қазақстанда президенттікке үміткерлердің сайлау алдындағы үгіт-насихаты басталады. Ол сегізінші маусым, сағат түнгі он екіге дейін жалғасады, деп жазады Stan.kz.
Үгіт-насихат үш жолмен: БАҚ, сайлау алдындағы іс-шаралар, үміткерлер мен олардың сенімді тұлғаларының сайлаушылармен кездесуі және басылым өнімдерін, аудиовизуалды үгіт материалдарды шығару және тарату арқылы жүзеге асырылады.
Қоғамның пікірін анықтау мақсатында сауалнаманы тек заңды тұлғылар жасайды. Мекемелер мұны алдын-ала ОАК-ға ескерту керек.
8 маусым — тыныштық күні. Бұл күні атқарылатын кез келген агитациялық қызмет заңсыз деп табылады.
Президент сайлауы елде 9 маусым күні сағат таңғы 07:00-де басталып, кешкі 20:00-де аяқталады. Сайлау бөлімшелері дауыстарды дауыс беру мерзімінен 12 сағат өткеннен кейін ғана санайды. Дауыс санау қорытындылары әкімшілік-аумақтық бірліктер бойынша аумақтық комиссиялардың отырысында нақтыланып, ОАК-ға екі күннің ішінде жеткізіледі.
Естеріңізге сала кетейік, республикалық бюджеттен әр үміткерге 7 млн 331 мың теңгеден бөлінеді. ОСК президенттікке үміткердің республикалық бюджет қаражатынан жабылатын шығындарының мөлшерін белгіледі: бағдарламаны теледидар арқылы баяндау – 5 250 000 теңге; бағдарламаны радио арқылы баяндау - 200 000 теңге; мерзімді баспа немесе желілік басылымдарында жариялау - 810 000 теңге; кандидаттардың сайлау алдындағы жария іс-шараларын өткізу - 200 000 теңге; үгіт материалдарын шығару - 400 000 теңге; көліктік шығындар - 471 200 теңге.
Сонымен қатар, әр үміткер сайлау қорын құру үшін, үміткер мен оны ұсынған ұйымның қаржысынан тұратын уақытша есепшот ашады.
