Қарақшылық схеманың жарнамасы туралы Желі қолданушылары айтып, шағымданды. "Ақша аударуды сұрайды, бірақ ештеңе төлемейді.
Facebook Instagram әлеуметтік желісінде қарақшылар "Қазақстан Халық банкі" АҚ атын жамылып, сауалнамадан өтіп, ақша ұтып алуды ұсынып жатыр, ұтыс 350 мыңнан 700 мың теңгеге дейін делінген. Банктің әкімшілігі қазақтандықтарға қауіп туралы ескертті, - деп хабарлайды Tengrinews.kz.
Қарақшылық схеманың жарнамасы туралы Желі қолданушылары айтып, шағымданды. "Ақша аударуды сұрайды, бірақ ештеңе төлемейді. Бұл аккаунттың мәліметтерін және ақша аудару шоттарын тексеруді құқық қорғау органдарынан сұраймыз", - деп жазды Facebook қолданушылары.
Банктің әкімшілігіндегілер бұл жарнаманы қарақшылардың істеп отырғанын айтты.
"Қарақшылардың хабарландыруларында Halyk Bank-тің корпоративтік түстері, әріптер, логотиптер, өнімдер мен қызметкерлердің суреттері, ойдан шығарылған тұлғалардың жалған пікірлері, "клиенттерді қолдау қызметінің" жалған номерлері қолданылады. Кибер-қарақшылардың сізді алдауына жол бермеңіз!", - деді банктегілер.
Компаниядағылардың айтуынша, "Халық банк" және "Халық" группасының өзге банктері өз клиенттері арасында ешқашан ақылы сауалнама жүргізбейді және бөтен интернет-сайттар арқылы клиенттерден мағлұмат жинамайды.
"Өзіңіздің жеке мәліметтеріңізді құпия сақтаңыз және ешкімге айтпаңыз - интернет-банкингке шығу үшін логин және парольді, ұялы телефонның номерін, банк картаңыздың реквизиттерін (картаның номері, иесінің аты-жөнін, картаның уақыты мен CVV/CVC). Бейтаныс номерлермен хабарласып, банк қызметкерімен дегендерге сенбеу керек, растау үшін банк смс арқылы жолдайтын кодты айтпау қажет. Банк қызметкерлеріне мұндай мәліметтерді телефон арқылы сұрауға уәкілдік берілмеген", - деп ескертті компаниядағылар.
