Осы жылдың 9 айында 2075 адам із-түссіз жоғалған адам ретінде іздеуде болған.
ERNUR.KZ. Қылмыстық полицияның аса маңызды істер жөніндегі аға анықтаушысы Нұрлан Темірбаев хабар-ошарсыз кеткен адамдарды іздеу шаралары туралы айтып берді, деп жазады ulysmedia.kz.
Оның айтуынша, осы жылдың 9 айында 2075 адам із-түссіз жоғалған адам ретінде іздеуде болған. Оның 1189-ы бүгін де табылды. Бүгінде тәртіп сақшылары 801 адамды іздестіріп жатыр. Қалған істер қысқартылды.
Сондай-ақ осы кезеңде кәмелетке толмаған 186 балаға іздеу жарияланып, оның 176-сы табылды.
Темірбаев Қазақстанда көбінесе ер адамдар жоғалатынын айтады.
«Статистика көрсеткендей, көп жағдайда ер адамдар жоғалады. Бұл олардың маусымдық жұмысқа, түрлі рейстерге және іссапарларға кетуіне байланысты», - деді ол.
Әйелдер арасында, Ішкі істер министрлігінің мәліметінше, ішімдікке салынғандар жиі жоғалады. Ал жасөспірімдер арасында тұрмысы нашар отбасынан шыққандарға көбірек іздеу жарияланады.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
