Қайрат Сатыбалдыұлы – Қазақстанның тұңғыш президенті Нұрсұлтан Назарбаевтың немере інісі.
ERNUR.KZ. Қазақстанның сыбайлас жемқорлыққа қарсы қызметі лауазымдық өкілеттікті асыра пайдалану және "Қазақтелеком" АҚ-ның қаражатын аса ірі көлемде жымқыру фактілері бойынша қылмыстық істі тергеп жатыр, деп жазады sputnik.kz.
"Аталған қылмыстарды жасады деген күдікпен Қайрат Сатыбалдыұлы ұсталып, уақытша ұстау изоляторына қамалды", - делінген сыбайлас жемқорлыққа қарсы қызметтің хабарламасында.
Қ.Сатыбалдыұлының мемлекет қауіпсіздігіне нұқсан келтіретін басқа да қылмыстарға қатысы бар-жоғы тексеріліп жатыр.
Тергеу жалғасуда. Қылмыстық-процестік кодекстің 201-бабына сәйкес өзге мәліметтер тергеу мүддесіне байланысты жария етілмейді.
Қайрат Сатыбалдыұлы – Қазақстанның тұңғыш президенті, Елбасы Нұрсұлтан Назарбаевтың немере інісі.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
