​Қарағандыда лотерея ойынының миллионері табылды

0
2 200

Сәтті билет сатқан сатушы ұтыстың 1 пайызы көлемінде 240 000 теңгені сүйінші ретінде алмақ.


​Қарағандыда лотерея ойынының миллионері табылды

ERNUR.KZ. "Сәтті Жұлдыз" лотереясынан 24 564 426 теңге ұтып алған қатысушы табылды, деп жазады tengrinews.kz.

Миллионерлер қатарына жаңадан қосылған азамат жеке басы жайлы ақпаратты құпия ұстауды жөн көрді. Әзірше оның арнайы тираж басталуына бірнеше сағат қалғанда жалпы сомасы 1200 теңгеге 6 ұтыс тіккені белгілі болып отыр. Жолы болғыш қатысушыға төртінші ұтыс тігу көмбинациясы "5 сан және бонус шары" санаты бойынша сәттілік әкелген.

Айтып өтетін бір жайт, сәтті билет сатқан сатушы ұтыстың 1 пайызы көлемінде 240 000 теңгені сүйінші ретінде алмақ. Еске сала кетсек, өткен аптаның бейсенбі күні "Сәтті Жұлдыз" лотереясының "Loto 6/49" ойынында 24 миллион теңге ұтып алған қарағандылық жайлы ақпарат бүкіл Қазақстанға тарап кеткен еді.