Kaspi.kz тегін жеткізуге арналған Kaspi Postomat желісін іске қосты

0
560

Kaspi Postomat – Kaspi.kz-тегі Дүкеннен тауарларды қабылдауға арналған құрылғы.


Kaspi.kz тегін жеткізуге арналған Kaspi Postomat желісін іске қосты

ERNUR.KZ. Бұрын клиенттер зат сатып алған соң есіктен есікке дейін жеткізуді таңдайтын. Бірақ кейбір тұтынушыларға жеткізу уақытын келісіп, үйінде курьерді күтуді ыңғайсыз болып шықты. Сондықтан Kaspi.kz сүйікті тұтынушыларына жеткізудің жаңа инновациялық әдісі – Kaspi Postomat-ты ұсынды. Енді сіз жақын маңдағы Kaspi Postomat-қа жеткізуге тапсырыс беріп, сатып алған затты өзіңізге ыңғайлы уақытта алып кетуге болады, деп жазады Azattyq Rýhy.

Kaspi.kz басшысы және негізін қалаушылардың бірі Михаил Ломтадзе бұл туралы былай деді:

«Біз сүйікті тұтынушыларымыз үшін үнемі инновациялық қызметтерді жасаймыз. Енді біздің интернет-дүкеннен сатып алған затты Kaspi Postomat көмегімен үйге қайтар жолда, өзіңізге ыңғайлы уақытта ала аласыз. Тапсырысты алу үшін Kaspi Postomat экранындағы Kaspi QR сканерін сканерлеу жеткілікті, қорапша бірден сиқырлы түрде ашылады. Барлығы қарапайым және ыңғайлы. Бізді жаңашылдыққа шабыттандырғаны үшін сүйікті клиенттеріміздің әрқайсысына алғыс айтамыз. Біз өмірді жақсартатын инновациялық қызметтермен ары қарай да қуанта береміз!» - деді.

Қазақстанда қазірдің өзінде 1000-ға жуық Kaspi Postomat, оның ішінде 350 құрылғы Алматыда орнатылған. Олар Kaspi.kz филиалдарында, сауда және бизнес орталықтарында, үй маңындағы дүкендерде және жанармай құю бекеттерінде орналастырылған.